Tut las datas dal project VerbaAlpina vegnan administradas uschia ch'ellas restan legiblas ed duvrablas per in spazi da temp uschè lung sco pussaivel. La perspectiva prendida en mira dal project cumprenda silmain plirs decennis, il concept, ch'è a la basa, è dentant orientà vers ina conservaziun senza limitaziun temporara.<br>
<br>
En detagl vegnan resguardads ils aspects suandants:<br>
1. Tgei instituziun(s) vegn(an) incumbensada(s) cun la preservaziun da las datas e dals purtaders da datas respectivs?<br>
2. Documentaziun da la structuraziun da datas sco era da las relaziuns logicas tranter datas e categorias da datas (entitad-relaziun)<br>
3. Documentaziun da la(s) codaziun(s) dals caracters duvrada(s)<br>
<br>
Pliras copias da las datas da project duain vegnir archivadas tar pliras instituziuns differentas. Actualmain è prevesida a questa finamira la IT-Gruppe Geisteswissenschaften da la Ludwig-Maximilians-Universität Minca (<a href="http://www.itg.uni-muenchen.de/" target="_BLANK"><span class="vaabr" data-vaabr="ITG">ITG</span></a>). Questa gruppa è attaschada al server d'archivaziun dal <a href="http://www.lrz.de" target="_BLANK">Leibniz-Rechenzentrum</a> sco er al <a href="https://clarin.phonetik.uni-muenchen.de/BASRepository/" target="_BLANK">BAS Clarin Repository</a>. Igl è planisà ultra da quai da depositar ulteriuras copias da segirezza tar autras instituziuns adattadas. L'archivaziun ha lieu en il ritmus da la gestiun da la versiun. I vegn mintgamai archivada la banca da datas cun tut las datas da project (modul <span class="vaabr" data-vaabr="VA">VA</span>_<span class="vaabr" data-vaabr="DB">DB</span> ensemen cun il model entitad-relaziun) sco er il framework per applicaziuns-web (<span class="vaabr" data-vaabr="VA">VA</span>_WEB), ch'è responsabel per la preschentaziun da las datas en l'internet (inclus la funcziunalitad respectiva) uschia ch'igl è pussaivel, silmain teoreticamain, da "resvegliar" mintga singula versiun en conturns da sistems operativs resp. software emulads correspundents. I vegn archivada ultra da quai la mediateca che cuntegna en emprima lingia fotos, films, datotecas da texts e documents sonors (modul <span class="vaabr" data-vaabr="VA">VA</span>_MT).<div id="ABR_ITG" style="display: none;">IT-Gruppe Geisteswissenschaften (<span class="vaabr" data-vaabr="LMU">LMU</span> Center for Digital Humanities)<div id="ABR_LMU" style="display: none;">Ludwig-Maximilians-Universität München</div></div><div id="ABR_VA" style="display: none;">VerbaAlpina</div><div id="ABR_DB" style="display: none;">Datenbank</div>