Sut la noziun <i>digitalisaziun</i> na sa chapescha betg il diever simpel da computers per l'elavuraziun da datas electronica en il context da VerbaAlpina, mobain plitost ed essenzialmain l'accessibladad digitala a fund dal material tras la *structuraziun* e la categorisaziun sistematicas e transparentas.<br>
<br><figure><a href="https://doi.org/10.5282/verba-alpina?urlappend=%2Fwp-content%2Fuploads%2Fdigitalisaziun_rg.jpg%3Fdb%3D232" target="_BLANK"><img src="https://doi.org/10.5282/verba-alpina?urlappend=%2Fwp-content%2Fuploads%2Fdigitalisaziun_rg.jpg%3Fdb%3D232"></a></figure><br>
En il project vegn en funcziun il model da datas relaziunal, en il qual las datas vegnan organisadas per princip en furma da tabella. Las tabellas consistan da lingias (= actas, tupel) e colonnas (= attributs, champs, caracteristicas); mintga tabella po vegnir amplifitgada en mintga direcziun agiunschend lingias e colonnas ulteriuras. Tranter las tabellas existan relaziuns logicas che pussibiliteschan colliaziuns utilas e preschentaziuns sinopticas correspundentas (uschenumnads "joins") da duas e pli tabellas. Per l'administraziun da las tabellas drova VerbaAlpina actualmain il sistem d'administraziun da la banca da datas MySQL. Las tabellas n'èn dentant betg liadas a quest sistem, ma pon da tut temp vegnir exportadas p.ex. en furma da text cun segns da separaziuns univocamain definiblas per cunfins da champ e d'actas (uschenumnads separaturs) ensemen cun ils nums da colonna e la documentaziun da las relaziuns logicas (model entitad-relaziun). La structura XML, ch'actualmain è frequentamain utilisada, na vegn betg applitgada en il champ operativ da VerbaAlpina. En il rom dal concept d'interfatschas è XML dentant definì sco format d'export.<br>
<br>
Ultra la structuraziun logica da las datas è la codaziun dals caracters il secund concept impurtant en connex cun il chavazzin "digitalisaziun". Gist en reguard a l'archivaziun a lunga durada da las datas è questa tematica fitg impurtanta e sto vegnir gestida prevesentamain. Uschè lunsch che pussaivel s'orienta VerbaAlpina en quest context a la tabella da codaziun ed a las directivas dal <a href="http://unicode.org/%5D.%20En%20il%20cas%20da%20la%20digitalisaziun%20da%20caracters%20che%20n'%C3%A8n%20anc%20betg%20vegnids%20registrads%20en%20la%20tabella%20Unicode%20fin%20ussa,%20succeda%20la%20registraziun%20da%20datas%20digitala%20d'in%20caracter%20singular%20da%20preferenza%20tras%20serialisaziun%20en%20furma%20dad%20ina%20sequenza%20da%20caracters%20or%20dal%20sectur%20Unicode%20x21%20fin%20x7E%20(a%20l'intern%20dal%20%5B%5Bsectur%20ASCII" target="_BLANK">consorzi Unicode</a>). Las attribuziuns correspundentas vegnan documentadas en tabellas specialas, tras quai è ina conversiun posteriura en valurs Unicode, che vegnan ad exister pussaivlamain da quel temp, adina pussaivla.<br>